عمت عين الوكت مالم شملنه

عمت عين الوكت ما لم شملنه

وخلانه بعيدين اعله اهلنه

عمت عين الوكت خلانه غربه

وليالينه اشكثر يادنيه صعبه

مشينه بالهوى وضيعنه دربه

وتعودنه على الاهات والونه

تسلينه الرسايل والبطاقات

تلم اهمومنه ونرد جوابات

اشما نذكر نحن ليامنه الحلوات

ايام السعد واحنه بجهلنه

عتبنه ما اضن يخلص يلحباب

يجي يوم وتشوفون الجره بيام الغياب
مو بس الشعر حتى الكَلب شاب

تفززنه المحبه ودكَه الباب

عسى ابنادم يجيب اخبار النه

عودنه الهوى واصبحنه عشاكَ

تزيد ولاطفت نيران الاشواك

وين انته ابعدت وينك يلعراك

صحيح احنه التهينه وطال الفراكَ

لكن ما نسيناكم يهلنه

شدينه الرحل وابعد ضعنه

وببلاد الغرب عشنه وسكنه

ظل وي العمر يكبر حزنه

وظلت بالفكر صوره وطنه

صوره من الشلب ذاك ونخلنه

عمت عين الوكت مالم شملنه

وخلانه بعيدين اعلى اهلنه

الله ليث ما اجمل المعاني اللي بتحملها هالكلمات اخوي
ان شاء الله لاربنا بيجمع الشمل وبيرجع العراق عراق واحد

مشكور يا غالية على الرد الجميل

وبارك الله فيكِ ومشاء الله عليكِ

مبدعة و مميزة